پنجاب کے فرقان احمد نے قومی ویٹ لفٹنگ چیمپئن شپ میں نیا قومی ریکارڈ قائم کر دیا

پنجاب کے نوجوان ویٹ لفٹر فرقان احمد نے نیشنل ویٹ لفٹنگ چیمپئن شپ میں شاندار کارکردگی کا مظاہرہ کرتے ہوئے انڈر 17، 88 کلوگرام کیٹیگری میں نیا قومی ریکارڈ قائم کر دیا۔

فرقان احمد نے کلین اینڈ جرک مقابلے میں 180 کلوگرام وزن کامیابی سے اٹھا کر اپنی کیٹیگری کا سابقہ قومی ریکارڈ توڑ دیا۔

ان کی ریکارڈ ساز کارکردگی چیمپئن شپ کی نمایاں کامیابیوں میں شمار کی گئی اور اس نے پاکستان کے ابھرتے ہوئے نوجوان ویٹ لفٹرز میں فرقان احمد کی صلاحیتوں کا بھرپور اظہار کیا۔

ایونٹ میں موجود آفیشلز اور شائقین نے فرقان احمد کی شاندار کامیابی کو سراہتے ہوئے اسے پنجاب اور پاکستان کی ویٹ لفٹنگ کے لیے ایک اہم سنگِ میل قرار دیا۔