وزیراعلیٰ پنجاب مریم نواز شریف نے آج بیواؤں اور یتیم بچوں کی مالی معاونت کے لیے “رحمت کارڈ پروگرام” کا باقاعدہ افتتاح کر دیا۔
تقریب سے خطاب کرتے ہوئے انہوں نے متعلقہ حکام کو ہدایت کی کہ اس منصوبے کے تحت زکوٰۃ فنڈز کے استعمال میں شفافیت، انصاف اور میرٹ کو یقینی بنایا جائے۔
اس سے قبل وزیراعلیٰ پنجاب کے معاونِ خصوصی راشد اقبال نصراللہ نے شرکاء کو بریفنگ دیتے ہوئے بتایا کہ اس پروگرام کے لیے صوبائی زکوٰۃ فنڈ سے ریکارڈ پانچ ارب روپے مختص کیے گئے ہیں۔
انہوں نے کہا کہ اس اقدام کے تحت پچاس ہزار بیواؤں اور یتیم بچوں کو فی کس ایک لاکھ روپے فراہم کیے جائیں گے۔
انہوں نے مزید بتایا کہ درخواستیں ایک مخصوص موبائل ایپلیکیشن یا سرکاری ویب پورٹل کے ذریعے جمع کروائی جا سکتی ہیں، جبکہ مزید معلومات کے لیے عوام 1077 ہیلپ لائن پر بھی رابطہ کر سکتے ہیں۔
یہ بھی پڑھیے
-
-
-
-
-
-
