وزیراعظم محمد شہباز شریف نے اسلام آباد میں صدر آصف علی زرداری سے ملاقات کی۔
وزیراعظم نے انہیں ایران اور امریکہ کے درمیان ہونے والے مذاکرات کے تمام پہلوؤں پر اعتماد میں لیا۔
انہوں نے مذاکرات کے مختلف مراحل اور پاکستان کی ثالثی کے ذریعے ہونے والی پیش رفت پر تفصیلی بریفنگ دی۔
انہوں نے صدرِ مملکت کو امن کی کوششوں کو آگے بڑھانے کے لیے اپنے آئندہ دورہ سعودی عرب اور ترکیہ کے بارے میں بھی آگاہ کیا۔
صدرِ مملکت نے کہا کہ اس صورتحال کے خطے، عالمی سکیورٹی، معیشت اور سیاست پر سنگین اثرات مرتب ہوں گے۔
انہوں نے امریکہ اور ایران کے درمیان مذاکرات کی میزبانی میں پاکستان کی انتھک کوششوں کو سراہا۔
آصف علی زرداری نے عالمی امن اور علاقائی استحکام کے فروغ میں پاکستان کے تاریخی کردار کو سراہا۔
انہوں نے کہا کہ ان تاریخ ساز مذاکرات کے لیے پلیٹ فارم مہیا کر کے پاکستان نے عالمی برادری میں ایک ذمہ دار اور کلیدی ریاست کے طور پر اپنی پوزیشن کی توثیق کی ہے۔
صدر نے کہا کہ وزیراعظم اور نائب وزیراعظم کو امریکہ ، ایران اور بڑی علاقائی و عالمی طاقتوں کے ساتھ فعال طور پر رابطے میں رہنا چاہیے تاکہ امن کے عمل کے تسلسل اور علاقائی ہم آہنگی کو یقینی بنایا جا سکے۔
-
-
-
-
-
-
