امریکی اور اسرائیلی حملوں میں 1230 ایرانی شہید، ایران کے حملوں میں 6 امریکی فوجی ہلاک

ایران میں امریکی اسرائیلی حملوں سے اب تک 1230 افراد شہید ہوئے جبکہ ایرانی حملوں میں 6 امریکی فوجی ہلاک ہوئے۔عرب میڈیا کے مطابق ایران میں امریکی اسرائیلی حملوں سے اب تک 1230 افراد شہید ہوچکے ہیں جبکہ لبنان پر جاری اسرائیلی حملوں میں 77 افراد شہید ہوئے۔

عرب میڈیا کی رپورٹ میں بتایا گیا کہ اسرائیل پر ایرانی حملوں میں 11 افراد ہلاک ہوئے جن میں 6 امریکی فوجی بھی شامل ہیں۔عرب میڈیا کے مطابق ایران کی جانب سے متحدہ عرب امارات میں حملوں سے 3 افراد جبکہ بحرین میں میزائل مار گرانے پر صنعتی علاقے میں آگ لگنے سے ایک شخص جاں بحق ہوا۔

اس کے علاوہ کویت میں ایرانی حملوں سے 2 کویتی فوجیوں سمیت 4 افراد جاں بحق ہوئے۔عرب میڈیا کے مطابق عمان کی بندرگاہ پر ٹینکر پر پروجیکٹائل حملے سے ایک شخص جاں بحق ہوا۔