سی پیک کے دوسرے مرحلہ میں روزگار کے مواقع پیدا ہوں گے،احسن اقبال

وزیر منصوبہ بندی و ترقی احسن اقبال نے یقین ظاہر کیا ہے کہ چین پاکستان اقتصادی راہداری کے دوسرے مرحلے سے اگلے دس برسوں کے دوران لوگوں کی زندگیوں پر تبدیلی کے مثبت اثرات مرتب ہوں گے۔

پاک چین مشترکہ رابطہ کمیٹی کے 14ویں اجلاس کے بعد بیجنگ میں میڈیا کے نمائندوں کو بریفنگ دیتے ہوئے انہوں نے کہا کہ CPEC کے دوسرے مرحلے کا باقاعدہ آغاز ہو چکا ہے جس کے تحت روزگار کے مواقع پیدا ہوں گے اور پاکستان کی معیشت میں شعبہ جاتی تبدیلیاں آئیں گی۔

احسن اقبال نے کہا کہ سی پیک کے دوسرے مرحلے میں پاکستان کی زراعت کو جدید بنانے، صنعتی تعاون کو فروغ دینے اور ٹیکنالوجی پر مبنی شراکت داری کی تشکیل پر توجہ مرکوز کی گئی ہے۔

انہوں نے کہا کہ پاکستان چین کے تجربے سے برآمدی شعبے کی کارکردگی میں مضبوط استعداد کار پیدا کرے گا۔

انہوں نے کہا کہ دونوں فریقوں نے آئی ٹی، روبوٹکس، فن ٹیک اور بائیو ٹیکنالوجی میں سی پیک کے مستقبل کے ہنر کا پروگرام تیار کرنے پر بات چیت کی ہے۔

اشتہار