قومی
ڈپٹی وزیراعظم اسحاق ڈار اور ترک وزیر خارجہ کا ٹیلی فونک رابطہ، علاقائی و بین الاقوامی پیش رفت پر تبادلہ خیال
نائب وزیراعظم اور وزیر خارجہ اسحاق ڈار نے ترکی کے وزیر خارجہ ہاکان فیدان سے ٹیلی فونک گفتگو کی۔بات چیت کے دوران دونوں رہنماؤں نے دو طرفہ تعاون کا جائزہ لیا اور موجودہ علاقائی اور بین الاقوامی پیش رفت پر تبادلہ خیال کیا۔
انہوں نے غزہ کی سنگین انسانی صورتحال پر بھی گہری تشویش کا اظہار کیا۔نائب وزیراعظم نے مکمل فوجی قبضے کے اسرائیلی منصوبے کی مذمت کرتے ہوئے اسے بین الاقوامی قانون اور اقوام متحدہ کی سلامتی کونسل کی قراردادوں کی کھلی خلاف ورزی قرار دیا۔اسحاق ڈار نے بلا روک ٹوک انسانی امداد فراہم کرنے اور اسرائیلی استثنیٰ کے خاتمے کی فوری ضرورت پر بھی زور دیا۔
اشتہار 
