کیسپرسکی ماہرین نے کیو آ ر کوڈز سے جڑے ممکنہ خطرات کے حوالے سے خبردار کر دیا
آج کی ڈیجیٹل دنیا میں، کیو آر کوڈز ریسٹورنٹس کے مینو کارڈسے لے کر میوزیم کی نمائش تک، اور یہاں تک کہ یوٹیلیٹی بلز اور پارکنگ لاٹس تک تقریباً ہر چیز پر رکھے جاتے ہیں -۔ لوگ ان کا استعمال ویب سائٹس کھولنے، ایپس ڈاؤن لوڈ کرنے، لائلٹی پروگرام پوائنٹس جمع کرنے، ادائیگی کرنے اور رقم کی منتقلی، اور خیراتی عطیات کے لیے بھی کرتے ہیں۔ تا م اس سے سائبر خطرات نے بھی جنم لے لیا ہے۔
کیسپرسکی ماہرین نے کیو آر کوڈز کو اسکین کرتے وقت اہم ترین خطرات کی نشاندہی کی ہے۔ کیو آر کوڈز صارفین کو جعلی ویب سائٹس کی طرف منتقل کر سکتے ہیں جو ذاتی یا مالی معلومات، جیسے کہ پاس ورڈ اور کریڈٹ کارڈ نمبر چرانے کے لیے بنائی گئی ہیں۔ حملہ آور جائز سائٹس کی نقالی کر سکتے ہیں، جیسے کہ بینک یا سٹریمنگ سروسز، اور صارفین کو ان کی لاگ ان پاسورڈ لگانے کے لیے دھوکہ دے سکتے ہیں۔ کچھ کیو آر کوڈز نقصان دہ ایپلی کیشنز کے ڈاؤن لوڈ کو متحرک کر سکتے ہیں جو صارف کیی ڈیوائس کو نقصان پہنچاتی ہیں۔ خاص مواقعوں یا سیلز کے دوران جیسے چھٹیوں کی فروخت کے دوران، ایک جعلی کیو آر کوڈ صارف کو خود بخود سائبر حملہ آوروں کے زیر کنٹرول وائی فائی نیٹ ورکس سے بھی جوڑ سکتا ہے، جس سے وہ اپنی بات چیت کو روک سکتے ہیں۔
کیسپرسکی میں میٹا ریجن کے لیے کنزیومر چینل کے سربراہ سیف اللہ جدیدی کا کہنا ہے کہ کیو آر کوڈز ممکنہ ہیرا پھیری کے لیے ایک زرخیز زریعہ ہیں، خاص طور پر جیسا کہ وہ روزمرہ کے مختلف سیاق و سباق میں ظاہر ہوتے ہیں جیسے کہ رسیدیں، فلائرز۔ حملہ آوروں کے پاس ان سے فائدہ اٹھانے کے تقریباً لامتناہی امکانات ہوتے ہیں۔ چونکہ یہ کوڈز پہلے ہی ہماری روزمرہ کی زندگی کا لازمی حصہ بن چکے ہیں، صارفین کے لیے یہ جاننا ضروری ہے کہ انہیں محفوظ طریقے سے کیسے استعمال کیا جائے۔
کیو آر کوڈ کو اسکین کرتے وقت کسی دھوکہ دہی کا شکار نہ ہونے کے لیے، کیسپرسکی ماہرین نے صارفین کو صرف معتبر اور معروف ذرائع سے کیو آر کوڈ اسکین کرنے کا مشورہ دیا ہے۔ عوامی مقامات پر ان کوڈز کو اسکین کرنے سے گریز کریں جن کے ساتھ چھیڑ چھاڑ کی گئی ہو۔ اگر آپ کو واقعی عوامی طور پر دستیاب کوڈ کو اسکین کرنے کی ضرورت ہے، تو اس ویب سائٹ پر کوئی کارروائی کرنے سے پہلے اس بات کی تصدیق کریں کہ اس نے آپ کو جس ویب ایڈریس پر ہدایت کی ہے وہ اصلی ہے۔
اگر آپ کو کیو آر کوڈ کی اصلیت کے بارے میں مکمل طور پر یقین نہیں ہے تو حساس معلومات درج کرنے سے گریز کریں۔ اپنے تمام آلات پر اینٹی فشنگ اور اینٹی فراڈ پروٹیکشن کے ساتھ سائبرسیکیوریٹی سلوشن انسٹال کریں، جیسا کہ کیسپرسکی پریمئیم یہ آپ کو کسی بھی خطرے سے بروقت آگاہ کر دے گا۔
