پاک فوج  کا لائن آف کنٹرول پر بھارتی فوج کی جارحیت کا جواب

پاک فوج نے لائن آف کنٹرول پر بھارتی فوج کی جارحیت کے جواب میں  موثر جوابی کارروائی کی ہے ۔ دفاعی حکام کے مطابق   پاک  فوج کی  بھرپور کارروائیوں کا سلسلہ جاری ہے،   ایل او سی کے چری کوٹ سیکٹر میں سانگھڑ پوسٹ سمیت چار مقامات پر پر بھارتی فوج نے سفید جھنڈا لہرا کر شکست تسلیم کر لی۔اس سے قبل بھی بھارتی فوج نیوادی لیپہ ، چورا کمپلیکس اور چکوٹھی سیکٹر میں سفید جھنڈا لہرایا تھا، جسے جنگی اصولوں کے تحت شکست تسلیم کرنے کے مترادف قرار دیا گیا ہے۔

ذرائع کے مطابق پاکستان آرمی کی موثر جوابی کارروائیوں کے نتیجے میں دشمن کو شدید نقصان اٹھانا پڑا ہے۔کوٹ کٹھیرا سیکٹر (ضلع کوٹلی) میں واقع بھارتی پوسٹ سرلیا-1 کو مارٹر گولوں سے نشانہ بنایا گیا، جس کے نتیجے میں پوسٹ مکمل طور پر تباہ ہو گئی۔ بٹل سیکٹر میں بھارتی افواج کی دھرمسل-1 اور دھرمسل-2 پوسٹیں بھی تباہ کر دی گئیں، جب کہ نیزہ پیر سیکٹر میں بھارتی فوج کی شاہپور-3 پوسٹ کو بھی مثر انداز میں نشانہ بنایا گیا۔ دشمن کی مشہور خاکی ٹیکری پوسٹ کو بھی مکمل طور پر تباہ کیا گیا، اور اس مقام سے دھوئیں کے گہرے بادل اٹھتے دیکھے گئے۔

ذرائع کے مطابق ان کارروائیوں کے دوران دشمن کو شدید نفسیاتی دبا کا بھی سامنا ہے۔پاک فوج دشمن کی ہر جارحیت کا مثر اور بروقت جواب دے رہی ہے۔ لائن آف کنٹرول پر دشمن کی کسی بھی حرکت کو فوری طور پر روکا جا رہا ہے، اور ہر محاذ پر پاکستان کی سالمیت اور خودمختاری کا بھرپور دفاع کیا جا رہا ہے۔

پاک فوج کے ذمہ دار افسران نے واضح کیا ہے کہ بھارت کی کسی بھی جارحانہ کارروائی کا جواب اسی کی زبان میں دیا جائے گا، اور ملکی سرحدوں کے تحفظ پر کوئی سمجھوتہ نہیں کیا جائے گا۔

اشتہار