سال 2024 میں سمارٹ فونز پر سائبر حملوں کے ذریعے بینکنگ ڈیٹا چوری کرنے کے واقعات میں تین گنا اضافہ: کیسپرسکی رپورٹ
اسمارٹ فونز پر ٹروجن بینکرز کے حملوں کی تعداد میں پچھلے سال کے مقابلے 2024 میں 196 فیصد اضافہ ہوا، کیسپرسکی کی رپورٹ کے مطابق ” کیسپرسکی نے نے عالمی سطح پر اسمارٹ فون صارفین پر 33.3 ملین سے زیادہ حملوں کا پتہ لگایا، جس میں مختلف قسم کے میلویئر اور ناپسندیدہ سافٹ ویئر شامل تھے۔
اینڈرائیڈ اسمارٹ فونز پر ٹروجن بینکر کے حملوں کی تعداد 2023 میں 420,000 سے بڑھ کر 2024 میں 1,242,000 ہوگئی۔ ٹروجن بینکر میلویئر کو آن لائن بینکنگ، ای پیمنٹ سروسز اور کریڈٹ کارڈ سسٹمز کے صارف کا ڈیٹا چرانے کے لیے ڈیزائن کیا گیا ہے۔ سائبر جرائم پیشہ افراد سادہلوح لوگوں کو ایس ایم ایس یا میسجنگ ایپس کے ذریعے لنکس پھیلانے کے ساتھ ساتھ میسنجر میں بدنیتی پر مبنی اٹیچمنٹ کے ذریعے اور صارفین کو نقصان دہ ویب ویب پیجز کی طرف ہدایت دے کر ٹروجن بینکرز کو ڈاؤن لوڈ کرنے کا فریب دیتے ہیں۔
”کیسپرسکی کے سیکیورٹی ماہر، اینٹن کیوا کے مطابق اسکیمرز نے منفرد میلویئر پیکجز بنانے کے لیے اپنی کوششوں کو کم کرنا شروع کر دیا ہے، اور تیار شدہ ان فائلوں کو زیادہ سے زیادہ متاثرین میں تقسیم کرنے پر توجہ دے رہے ہیں۔ بچوں سے لے کر بوڑھوں تکسائبر خواندہ بننا اور سائبر تحفظ کے بارے جانناپہلے سے کہیں زیادہ اہم ہے – کیونکہ کوئی بھی اچھی طرح سے تیار کردہ سکیمز اور بینکنگ ڈیٹا چوری کرنے کے لیے بنائے گئے حملوں سے مکمل طور پر محفوظ نہیں ہے،اگرچہ ٹروجن بینکرز میلویئر کی سب سے تیزی سے بڑھنے والی قسم ہیں، لیکن حملہ آور کے حصص کے لحاظ سے وہ مجموعی طور پر 6 فیصد کے ساتھ پر چوتھے نمبر پر ہیں۔ سب سے زیادہ پھیلا ہوا زمرہ ایڈ وئیر یونی غیر ضروری اشتہاراتہے، جس میں حملہ آور وں کا 57 فیصد حصہ ہے، اس کے بعد جنرل ٹروجنز 25 فیصد اور رسک ٹولز بارہ فیصد ہیں۔ 2024 میں، سائبر کرائمینز نے ہر ماہ موبائل ڈیوائسز پر اوسطاً 2.8 ملین میلویئر، ایڈویئر، اور ناپسندیدہ سافٹ ویئر حملے شروع کیے۔
اپنے آپ کو موبائل کے خطرات سے بچانے کے لیے، کیسپرسکی تجویز کرتا ہے کہ آفیشل اسٹورز جیسے ایپل ایپ سٹور اور گوگل پلے سے ایپس ڈاؤن لوڈ کرنا ہمیشہ خطرے سے خالی نہیں ہوتا ہے۔ کیسپرسکی نے حال ہی میں سپارک کیٹ نامی وائرس و دریافت کیا، جو ایپ اسٹور کی سیکیورٹی کو نظرانداز کرنے والا پہلا اسکرین شاٹ چوری کرنے والا میلویئر ہے۔ دونوں پلیٹ فارمز پر کل 20 متاثرہ ایپس کے ساتھ گوگل پلے پر بھی میلویئر پایا گیا، جس سے یہ ثابت ہوتا ہے کہ یہ اسٹورز 100 فیصد فول پروف نہیں ہیں۔ محفوظ رہنے کے لیے، ہمیشہ ایپ کے جائزے چیک کریں، صرف آفیشل ویب سائٹس کے لنکس استعمال کریں، اور کیسپرسکی پریمئیم جیسا قابل اعتماد سیکیورٹی سافٹ ویئر انسٹال کریں، جو کسی ایپ کے فراڈ ہونے کی صورت میں بدنیتی پر مبنی سرگرمی کا پتہ لگا کر اسے روک سکتا ہے
