اے این ایف کی کارروائیاں،111کلو گرام منشیات برآمد ،7ملزمان گرفتار
ڈسکہ کے قریب دو موٹر سائیکلوں میں چھپائی گئی 27کلو چرس اور 3.6 کلو افیون برآمد3ملزمان گرفتار کر لئے گئے
اینٹی نارکوٹکس فورس( اے این ایف) کا ملک کے مختلف شہروں میں منشیات سمگلنگ کے خلاف کریک ڈائون جاری ہے، 9کارروائیوں میں7ملزمان گرفتار کر لئے گئے۔
کارروائیوں میںایک کروڑ26لاکھ سے زائد مالیت کی111کلو گرام منشیات برآمد ہوئی۔
راولپنڈی میں یونیورسٹی کے قریب ملزم کے قبضے سے40نشہ آور گولیاں برآمد ہوئیں، اٹک میں یونیورسٹی کے قریب ملزم سے 500 گرام چرس برآمد، گرفتار ملزم نے تعلیمی اداروں کے طلبا کو منشیات فروخت کرنے کا اعتراف کیا ہے۔
کراچی میں کوریئر آفس کے ذریعے آسٹریلیا بھیجے جانے والے پارسل سے لیڈیز کپڑوں میں جذب شدہ 1.850 کلو آئس برآمد ہوئی، کراچی میں کوریئر آفس کے ذریعے آسٹریلیا بھیجے جانے والے پارسل سے تکیے کے غلاف میں چھپائی گئی، 700گرام افیون برآمد،۔
بلوچستان میں گوادر کے غیر آباد علاقے سے 40 کلو چرس برآمدہوئی۔کالا باغ روڈ پر ریلوے پھاٹک میانوالی کے قریب گاڑی میں چھپائی گئی، 30کلو چرس برآمد کر لی گئی، ملزم گرفتار کر لیا گیا۔
سیالکوٹ میں گلوٹیاں موڑ ڈسکہ کے قریب دو موٹر سائیکلوں میں چھپائی گئی 27کلو چرس اور 3.6 کلو افیون برآمد3ملزمان گرفتار کر لئے گئے۔
پشاور میں کوریئر آفس کے ذریعے لاہور بھیجے جانے والے پارسل سے 4.8 کلو چرس برآمد ہوئی، شیخوپورہ انٹرچینج ایم 2 لاہور کے قریب گاڑی میں چھپائی گئی 1.5 کلو ہیروئین، 600 گرام آئس برآمد کی گئی، ملزم گرفتار کر لیا گیا۔ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا۔
