ڈسٹرکٹ آفیسر ریسکیو خوشاب انجینئر حافظ عبدالرشید کی زیر صدارت پنجاب ایمرجنسی سروس آفس خوشاب میں گزشتہ ماہ کی ایمرجنسی رپورٹ کے حوالے سے اجلاس کا انعقاد کیا گیا۔
ڈسٹرکٹ آفیسر انجینئر حافظ عبدالرشید نے تفصیلات بتاتے ہوئے کہا کہ پنجاب ایمرجنسی سروس کو گزشتہ ماہ میں 9078ٹوٹل کالز موصول ہوئیں جن میں سے 3007 ایمرجنسی کالز تھیں جبکہ باقی بے جا اور غیر ضروری کالز تھیں۔
پنجاب ایمرجنسی سروس نے اپنا رسپانس ٹائم برقرار رکھتے ہوئے 2975 متاثرین کو ریسکیو کیا گزشتہ ماہ میں323 روڈٹریفک کے حادثات، 2304میڈیکل کی ایمرجنسیز، 26آتشزدگی کے واقعات،50کرائم کے واقعات اور 304دیگر ایمرجنسیز ڈیل کی گئیں جن میں کام کرتے ہوئے چوٹ لگ جانے، چھت سے گر جانے، زہریلے جانور کے کاٹنے وغیرہ و دیگر ایمرجنسیز شامل ہیں۔
ریسکیو عملہ نے1060 معمولی متاثرہ لوگوں کو موقع پرابتدائی طبی امدادفراہم کی جبکہ1836 شدید متاثرہ لوگوں کو بروقت طبی امداد مہیا کر کے مقامی ہسپتالوں میں منتقل کیا۔
پیشنٹ ریفرل سروس کے متعلق انجینئر حافظ عبدالرشید نے بتایا کہ بہتر علاج معالج کے لئے سرکاری ہسپتال سے دوسرے سرکاری ہسپتالوں میں 244 متاثرہ مریضوں کو طبی امداد فراہم کرتے ہوئے منتقل کیا گیا۔
-
-
-
-
-
-
-
-
