ڈسٹرکٹ کوآرڈینیشن کمیٹی خوشاب کا اجلاس، ضلع میں امن و امان، ترقیاتی منصوبوں، عوامی مسائل حل کرنے پر تفصیلی تبادلہ خیال
ڈسٹرکٹ کوآرڈینیشن کمیٹی خوشاب کا اجلاس کنوینئر کمیٹی/ایم پی اے ملک محمد آصف بھاء اور ڈپٹی کمشنر فروہ عامر کی زیر صدارت ڈی سی آفس کانفرنس ہال میں منعقد ہوا۔
اجلاس میں ڈی پی او توقیر محمد نعیم،ایم این اے ملک شاکر بشیر اعوان،نمائندہ ایم پی اے ملک گل اصغر خان بگھور، انجئنیر ملک طاہر ندیم بگھور،ایم پی اے سردار علی حسین خان بلوچ کے علاوہ تمام محکموں کے افسران نے شرکت کی۔
اجلاس میں ضلع میں امن و امان، ترقیاتی منصوبوں،عوامی مسائل حل کرنے پر تفصیلی تبادلہ خیال ہوا۔ تفصیلات کے مطابق ڈسٹرکٹ کوآرڈینیشن کمیٹی کے خصوصی اجلاس میں ضلع میں عوامی مسائل حل کرنے، سڑکوں کی تعمیر، صحت، تعلیم کے ترقیاتی منصوبوں، امن وامان اور دیگر متعلقہ معاملات پر تفصیلی تبادلہ خیال کیا گیا۔
اجلاس میں ضلع میں جاری ترقیاتی منصوبوں کو جلد از جلد مکمل کرنے اور عوامی سہولیات کے لیے ان کو فعال بنانے کے لیے لائحہ عمل بنانے پر گفتگو کی گئی۔
اس موقع پر متعلقہ افسران نے صدر اجلاس کو عوامی مسائل اور ضلع میں جاری ترقیاتی منصوبوں،ہیلتھ اور دیگر امور کی موجودہ صورتحال پر بریفنگ دی۔ صدر اجلاس نے ہدایات جاری کیں کہ تعمیراتی کام میں استعمال ہونے والے مٹیریل کی کوالٹی اور معیار پر کسی قسم کا سمجھوتہ نہیں کیا جائے گا۔
