وزیر اعلیٰ پنجاب محترمہ مریم نوازشریف نے خصوصی دورہء سرگودھا کے موقع پریونیورسٹی آف سرگودھا میں ہونہار سکالر شپ کی تقریب سے خطاب کرتے ہوئے کہا کہ مجھے اپنے بچوں پر بے حد فخر ہے۔ انہوں نے کہا کہ دوسرے اور تیسرے سال کے طلباء کو بھی سکالر شپ دینے کے اقدامات کی ہدایت کردی گئ ہے۔ انہوں نے کہا کہ ہونہارسکالر شپ پاکستان کی تاریخ کا پہلا سب سے بڑا سکالر شپ پروگرام ہے۔ محترمہ مریم نوازشریف نے کہا کہ سرگودھا یونیورسٹی کے ہونہار بیٹے اور بیٹیوں کو دیکھ کر بہت خوش ہوں۔گارڈ آف آنر طلباء کی قابلیت اور محنت کا اعتراف ہے۔بچوں کو گارڈ آف آنر ملنے پر بے حد جذباتی ہوجاتی ہوں۔محترمہ مریم نوازشریف نے کہاکہ وسائل کی کمی کے باوجود محنت جاری رکھنے والے طلباء کوسلام پیش کرتی ہوں۔
وزیراعلی ا پنجاب نے کہا کہ سکالر شپ حاصل کرنے والے طلباء، والدین اور اساتذہ کومبارکباد دیتی ہوں۔ انہوں نے کہا کہ بچوں کو پڑھانے والے والدین کی معاشی مشکلات کا اندازہ ہے۔مریم نوازشریف نے کہا کہ سکالر شپ ملنے پر شکریہ ادا نہ کریں، یہ آپ کا حق اور محنت کا ثمر ہے۔ طلباء حق سمجھ کر ہونہار سکالر شپ لیں اور اپنے والدین کو بھی میری طرف سے مبارکباد پیش کریں۔ انہوں نے کہا کہ ہونہار سکارلرشپ پروگرام کو کامیاب بنانے پر صوبائی وزیر تعلیم رانا سکندر حیات اور سیکرٹری ہائر ایجوکیشن ڈاکٹر فخر نوید کا شکریہ ادا کرتی ہوں۔ پنجاب بھر میں بلاتفریق سب بچوں کو سکالر شپ مل رہے ہیں۔
مریم نوازشریف نے کہا کہ ہونہار سکالر شپ کو30 ہزار سے 50 ہزارتک بڑھائیں، عوام کا پیسہ عوام کی امانت ہے عوام پر ہی لگنا چاہیے۔ اللہ تعالی ا اور عوام کے سامنے سرخرو ہوں کوئی سکالر شپ سفارش پر نہیں دیا گیا۔ مریم نوازشریف نے کہا کہ ہونہار سکالر شپ کے لئے کسی بچہ کا بیک گراؤنڈ اور سیاسی وابستگی کا نہیں پوچھا گیا، میرے لئے سب برابر ہیں۔ مریم نوازشریف طلباء کے لئے چیف منسٹر نہیں بلکہ ماں بن کرسوچتی ہے۔ پاکستان ہماری دھرتی ماں ہے اور ماں بچوں میں تفریق نہیں کر سکتی۔ وزیر اعلی ا پنجاب نے کہا کہ ریاست ماں کی مانند ہے،ماں کیسے برادشت کرے کہ ایک بچہ اچھی یونیورسٹی میں پڑھے اور دوسرا تعلیم سے محروم رہ جائے۔ محنتی بچے کو کالجز اور یونیورسٹی میں داخلہ نہ ملنا ریاست کے لئے فکر انگیز ہے۔ انہوں نے کہا کہ ہونہار سکالر شپ بچوں کے والدین کے لئے ایک مدد کے مترداف ہے۔ انہوں نے مزید کہا کہ 68ڈسپلن کے بچوں کو ہونہارسکالرشپ مل رہے ہیں۔ 12 اچھی پرائیویٹ یونیورسٹیوں کے طلبہ کو بھی ہونہار سکالر شپ مل رہا ہے۔
بچے آرٹی فیشل انٹیلی جنس، روبوٹک اورماحولیاتی مضامین پڑھیں جس سے جاب مارکیٹ میں فوری روزگار مل جائے۔
مریم نوازشریف نےکہا کہ چین میں کلاس فائیو کے بچوں کو آرٹی فیشل نٹیلی جنس پڑھتے دیکھ کرحیرت ہوئی۔ تعلیم امیر غریب کی تفریق ختم کرتی اور سماجی مساوات قائم کرتی ہے۔ وزیر اعلی ا پنجاب نے کہا کہ جنوری کا پورا مہینہ بچوں کے لئے وقف کر دیا ہے۔ مریم نوازشریف بچوں کی بات سننے اور سمجھنے کے لئے خود ان کے پاس آرہی ہے۔ انہوں نے کہا کہ لیپ ٹاپ آچکے ہیں، جلد لیکر خود آؤں گی۔ بچوں کے لئے مارکیٹ میں میسر بہترین لیپ ٹاپ خود منتخب کیے ہیں۔ وزیراعلی ا پنجاب نے کہا کہ بچوں کو اگلے سال ایک لاکھ بائیکس مفت دینے کے پراجیکٹ پر کام کررہے ہیں۔ میں آپ کی چیف منسٹر نہیں بلکہ ماں کے طور پر بیٹھی ہوں۔ مریم نوازشریف نہیں چاہتی کوئی بچہ میرا شکریہ ادا کرے، یہ آپ کا حق ہے۔ مریم نوازشریف دوران تقریب ” یہ وطن تمہارا ہے تم ہوپاسبان اس کے، یہ ملی نغمہ سن کر جذبات پر قابو نہ رکھ سکی اور بچوں کے ساتھ خود بھی ملی نغمہ پڑھا۔ وزیراعلی ا پنجاب نے کہا کہ وطن کی عزت اور حرمت کے ہم سب امین ہیں خیانت نہیں کرنی چاہیے۔ مریم نوازشریف نے کہا کہ ہونہار سکالر شپ ملنے پر عہد کریں ماں جیسی مٹی سے خیانت نہیں کریں گے۔ مریم نوازشریف نے کہا کہ ہمارا ایک ایک بچہ ملک کی بنیاد میں ایک ایک اینٹ کی مانند ہے۔ نوجوان عہد کریں کچھ بھی ہو جائے وطن کے خلاف نہیں جائیں گے۔
مریم نوازشریف نے کہا کہ گھر آتے جاتے والدصاحب سے سلام دعالے کر جاتی ہوں۔ والدین کے عزت و احترام کا انعام دنیا میں ہی ملتا ہے۔ بچے ہمیشہ اپنے والدین کی آواز سنیں گے اور دھرتی کی آواز پر لبیک کہیں گے۔ وزیراعلی ا پنجاب نے کہا کہ اگر عوام کی بھلائی کیلئے سیاست کی جائے تو یہ عبادت کے مترادف ہے۔ وزیراعلی ا پنجاب نے کہا کہ منصب عوام کی امانت ہے خیانت نہیں کرسکتی۔انہوں نے کہا کہ ماں بہنوں، بیٹیوں کی عزت و تکریم سب پر لازم ہے۔ انہوں نے کہا کہ نوجوانوں کو کہتی ہو ں کہ جب ملک کو مسئلہ درپیش ہو تو ملک اوروالدین کی عزت و تکریم کو سامنے رکھیں۔ مریم نوازشریف نے کہا کہ
حکومت ملی تو ڈیفالٹ کرنے کی باتیں ہورہی تھیں، دس ماہ کے بعد سٹاک مارکیٹ نے بلندی کے ریکارڈ توڑ دئیے۔ انہوں نے کہا کہ چین گئی تو وہاں کے سرمایہ کارو ں کو انویسٹمنٹ کے لئے منتظر پایا۔ انہوں نے کہا کہ اگر انتقامی کاررائیوں پر وقت صرف کروں گی تو عوام کی خدمت کیسے کروں گی۔
مریم نوازشریف نے کہا کہ دنیا میں خود کو مہذب قوم کے طورپر متعارف کرانا چاہتے ہیں۔ مریم نوازشریف نے کہا کہ سرگودھا میں نوازشریف نے کہا کہ انسٹی ٹیوٹ آف کارڈیالوجی کی چوتھی منزل بن چکی ہے۔ انہوں نے کہا کہ ائیر ایمبولینس سروس سے درجنوں مریض شفٹ کئے جاچکے ہیں۔ ۔ مریم نوازشریف نے کہا کہ بچوں کے لئے انٹرنیشنل سکالر شپ کی سکیم پر بھی کام کررہی ہوں۔ وزیراعلی ا پنجاب نے کہا کہ دل چاہتا ہے کہ سارے پیسے بچوں پر لگا دیں۔ غریب آدمی کا بچہ پہلے لمز میں پڑھنے کا سوچ نہیں سکتا تھا۔ اللہ کے فضل سے سب کے لئے راستے کھل چکے ہیں۔ صرف سکالر شپ ہی نہیں بچوں کے لئے روز گار کے مواقع بھی لا رہے ہیں۔
مریم نوازشریف نے کہا کہ اب وقت آگیا ہے ہربچہ،بچی سر اٹھا کر چلے گا،خوب پڑھے گا، ترقی کرے گا۔ دورہء سرگودھا کے دوران وزیراعلی ا پنجاب مریم نواز شریف نے نوازشریف انسٹی ٹیوٹ آف کارڈیالوجی سنٹر کا دورہ بھی کیا۔وزیراعلی ا پنجاب نے کارڈیالوجی سنٹر میں جاری تعمیراتی کاموں کا معائنہ کیا۔کارڈیالوجی سنٹر کی تعمیر کے حوالہ سے وزیراعلی ا پنجاب کو بریفنگ دی گئی ۔ اس موقع پر محترمہ مریم نوازشریف نے کہا کہ عوام کو صحت کی تمام سہولیات کی فراہمی میری اولین ترجیحات ہیں۔پنجاب کے ہر شہری کو صحت کی تمام جدید سہولیات پہنچائیں گے۔ وزیراعلی ا پنجاب محترمہ مریم نواز شریف نے کمپنی باغ میں قائم ماڈل ریڑھی بازار کا دورہ بھی کیا۔ عوام کے درمیان پہنچنے پر شہریوں نے زبردست استقبال کیا۔ ان پر پھولوں کی پتیاں نچھاور کی گئیں ۔ریڑھی بان وزیراعلی ا پنجاب کو اپنے درمیان دیکھ خوشی سے آبدیدہ ہوگئے۔شہریوں نے مریم نواز زندہ باد اور نوازشریف زندہ باد کے فلک شگاف نعرےبھی لگاءے ۔ مریم نوازشریف نے کہا کہ میں آپ کی وزیراعلی ا ہوں آپ کو ہر سہولت دینگے۔ انہوں نے مزید کہا کہ شہر میں مزید ماڈل ریڑھی بازار بنائینگے۔ تاکہ آپ باعزت روزگار کما سکیں۔
