وزیراعظم شہباز شریف کی ارشد ندیم کو فائنل تک رسائی پر مبارکباد

وزیراعظم شہباز شریف نے پیرس اولمپکس کے جیولین تھرو فائنل میں کوالیفائی کرنے پر پاکستانی ایتھلیٹ ارشد ندیم کو مبارکباد دی ہے۔آج ایک بیان میں انہوں نے کہا کہ ارشد ندیم نے اپنی شاندار کارکردگی اور محنت سے پوری قوم کے دل جیت لیے ہیں۔

شہباز شریف نے ارشد ندیم کی اولمپکس 2024 میں کامیابی کے لیے دعا بھی کی اور نیک خواہشات کا اظہار کیا۔ملک میں جیولن تھرو کے فروغ کے لیے ارشد ندیم کی خدمات کو سراہتے ہوئے انہوں نے کہا کہ پاکستان میں بے پناہ ٹیلنٹ موجود ہے جسے مزید فروغ دینے کی ضرورت ہے۔وزیراعظم نے کہا کہ حکومت بین الاقوامی سطح کے مقابلوں میں حصہ لینے والے کھلاڑیوں کی حوصلہ افزائی جاری رکھے گی۔

اشتہار