من کی نگری: کتاب کی تقریب رونمائی؛ مقررین کا خطاب
نامور قانون دان اشرف عاصمی کی نئی تصنیف ” من کی نگری ” کی عظیم الشان تقریب رونمائی سے خطاب کرتے ہوئے مقررین ،قومی و سماجی رہنماؤں اور ممتاز قانون دانوں نے کہا ہے کہ اشرف عاصمی ایڈووکیٹ نے جس طرح شعبہ ء قانون کے حوالے سے کتابیں تحریر کی ہیں اور خاص طور قومی زبان اردو میں قانونی کتب لکھ ایک اہم قومی فریضہ ادا کیا ہے اسی طرح ان کی نئی کتاب من کی نگری میں بندے اور اللہ پاک کے مضبوط تعلق کے حوالے سے جو کچھ لکھا گیا ہے وہ یقینی طور پر ہر شعبہ ء زندگی سے منسلک ایک ایک فرد کے لیے رہنمائی کا حامل ہے ۔ ممتاز صحافی دلاور چوہدری نے اپنے خطاب میں موجودہ گھٹن کے ماحول میں کتاب سے دوستی کے حوالے سے پوری قوم پر زور دیا کہ کتاب بینی سے ہی معاشرے میں پھیل ہوئی کدورتیں ، نفرتیں اور انتہاء پسندی پر قابو پایا جاسکتا ہے ۔ انہوں نے یونین کونسل کی طرح لائبریریوں کے قیام کی ضرورت پر زور دیا۔
دیگر مقررین نے اس موقع پر صاحب کتاب اشرف عاصمی ایڈووکیٹ کو من کی نگری کی اشاعت پر مبارکباد دی اور اس اہم موضوع پر کتاب کی اشاعت کو سراہا۔مقررین نے کہا کہ انسان کی کامیابی اللہ کی یاد سے جڑنے اور دل کو پاک و صاف رکھنے میں ہے ۔ اس کے لیے معاشرے کو باہم محبت کا جزبہ عام کرنا ہو گا۔ نفرتوں اور کدورتوں کو دور کرنا ہو گا۔ من کی نگری کتاب بندے کے اللہ کے ساتھ تعلق اور دل کو پاک اور صاف رکھنے کی راہ دکھاتی ہے۔
تقریب میں بڑی تعداد میں وکلا ، سول سوسائٹی ارکان ، علمائے کرام اور مختلف طبقہ ہائے زندگی کے لوگ شریک ہوئے ، تقریب سے دلاور چوہدری کے علاؤہ صاحب کتاب صاحبزادہ میاں محمد اشرف عاصمی، ڈاکٹر فرید احمد پراچہ ،بیرسٹر محمد احمد قیوم، مظہر برلاس، ڈاکٹر نبیلہ طارق، ڈاکٹر قراۃ العین ، ناصر اقبال خان، ڈاکٹر شوکت ورک، دلاور چودھری، علی احمد کیانی، ارمغان مسعود، ریاض احمد احسان، ایڈووکیٹ سعدیہ ہماء شیخ، ریحان اختر، مظاہر ہاشمی، علامہ قاسم علوی، حکیم میاں یوسف قادری، پیر مسعود چشتی، چودھری حفیظ الرحمان، رانا ضیاء عبدالرحمان، علی عمران شاہین، ملک محمد معظم، ممتاز عارف، چودھری محمد اسلم، بدر چشتی، عامر فاروق، حسن کمال پاشا، ڈاکٹر راحیل رفیق، ثاقب افتخار، حاجی شبیر رندھاوا، سعید علی عمران، ناصر قادری، ایم ایچ شاھین، محمد اکرم قادری، حذیفہ عاصمی، پیر خواجہ عمر عاصمی، میاں محمد اکرم، میاں اعظم اور دیگر نے بھی خطاب کیا۔
