سعودی عرب ،منشیات فروشوں کیخلاف کریک ڈائون ،چار پاکستانیوں سمیت 20گرفتار

سعودی عرب میں منشیات فروشوں کے خلاف کریک ڈائون کے دوران 4 پاکستانیوں سمیت 20 افراد کو گرفتار کرلیا گیا اورمنشیات برآمد کر لی گئی ۔ادارہ انسداد منشیات کے مطابق ریاض ریجن میں کی گئی کارروائی میں ایک پاکستانی اور ایک ایتھوپین شہری کو گرفتار کیا گیا جن سے 20 کلو چرس برآمد کی گئی۔جدہ میں 3 پاکستانی افراد کو گرفتار کر کے قبضے سے 6 کلو چرس برآمد کی گئی۔ادارہ انسداد منشیات کے مطابق ینبع میں ایک سعودی شہری کو ساڑھے7 کلو چرس کے ساتھ گرفتار کیا گیا جبکہ جازان میں 4 ایتھوپین شہریوں کو گرفتار کر کے ان سے بھی منشیات برآمد کر کے مقدمہ درج کرلیا گیا۔

اشتہار