پاکستان شاہینز برسبین میں لینڈ کر گئے
پاکستان شاہینز برسبین پہنچ گئی، پاکستان شاہینز مقامی وقت کے مطابق رات دس بجے ڈارون پہنچے گی۔پاکستان شاہینز آسٹریلیا کے دورے پر بنگلہ دیش اے خلاف دو چار روزہ میچوں کی سیریز کھیلے گی۔دو چار روزہ میچوں کے علاوہ، پاکستان شاہینز دو ون ڈے میچز اور ٹی ٹوئنٹی ٹورنامنٹ میں بھی حصہ لے گی۔دورے کے لئے صاحبزادہ فرحان کو ٹیم کی قیادت سونپی گئی ہے، صاحبزادہ فرحان پانچ ٹی ٹوئنٹی انٹرنیشنل میچوں میں پاکستان کی نمائندگی کرچکے ہیں۔دو چار روزہ میچوں کی سیریز کے لیے 15 رکنی پاکستان شاہینز کے اسکواڈ میں ایک تبدیلی کی گئی ہے۔ فاسٹ بولر حنین شاہ انجری کے باعث دورہ آسٹریلیا سے باہر ہو گئے ہیں جبکہ ان کی جگہ قاسم اکرم، حنین شاہ کی جگہ ٹیم میں شامل کیا گیا ہے۔پاکستان کے ریڈ بال ہیڈ کوچ جیسن گلیسپی ٹیم کے ہیڈ کوچ کے طور پر ڈارون جائیں گے۔ وہ 29 جولائی کو بنگلہ دیش اے کے خلاف دوسرے چار روزہ میچ کے بعد اگست کے پہلے ہفتے میں پاکستان واپس آجائیں گے یہاں انہیں بنگلہ دیش کے خلاف دو ٹیسٹ میچوں میں اپنی ذمہ داری سنبھالنی ہے۔پاکستان شاہینز کا اسکواڈ ان کھلاڑیوں پر مشتمل ہو گا، صاحبزادہ فرحان(کپتان) – حسیب اللہ ، قاسم اکرم، محمد عرفان خان ، محمد علی، کامران غلام، کاشف علی، خرم شہزاد، مہران ممتاز، محمد حریرہ، مبصر خان، عمیر بن یوسف، شاہنواز دھانی، طیب طاہر اور عمر امین
