پاکستان کو شکست دیکر بھارت نے ورلڈ چیمپئن شپ آف لیجنڈز کا ٹائٹل جیت لیا

پاکستان کو شکست دیکر بھارت نے ورلڈ چیمپئن شپ آف لیجنڈز کا ٹائٹل جیت لیا۔ورلڈ چیمپیئن شپ آف لیجنڈز  2024 کے فائنل میں انڈیا چیمپیئنز نے پاکستان چیمپیئنز کو  5 وکٹوں سے ہرادیا۔انڈیا چیمپئنز نے پاکستان کا 157 رنز کا ہدف آخری اوور میں حاصل کیا۔برمنگھم کے ایجبسٹن کرکٹ گراؤنڈ میں کھیلے گئے ورلڈ چیمپیئن شپ آف لیجنڈز کے فائنل میں پاکستان چیمپیئنز کے کپتان یونس خان نے ٹاس جیت کر پہلے بیٹنگ کا فیصلہ کیا۔

پاکستان چیمپئنز  نے پہلے کھیلتے ہوئے مقررہ 20 اوور میں 6 وکٹ پر 156 رنز بنائے۔پاکستان چیمپئنز  کی جانب سے شعیب ملک نے 41، کامران اکمل نے 24 اور  صہیب مقصود نے 21 رنز بنائے۔ مصباح الحق  نے 18 اور شرجیل خان نے 12 رنز کی اننگز کھیلی۔کپتان یونس خان اور  عامر یامین 7 ،7 رنز بناکر آؤٹ ہوئے۔ سہیل تنویر 19 اور شاہد آفریدی 4 رنز کے ساتھ ناٹ آؤٹ رہے۔

اشتہار