بسم اللہ الرحمن الرحیم

قومی

8فروری کی رات قوم کے مستقبل پر ڈاکا ڈالا گیا، سراج الحق

امیر جماعت اسلامی سراج الحق نے کہا ہےکہ 2024ء کے انتخابات میں جیتنے والے ہارنے والوں سے زیادہ پریشان ہیں۔امیر جماعت اسلامی سراج الحق کا کہنا تھا کہ 8فروری کی رات پولنگ سٹیشنوں پر نہیں قوم کے مستقبل پر ڈاکا ڈالا گیا، قومی ایسے عناصر کو کبھی معاف نہیں کرے گی۔

انہوں نے کہا کہ ن لیگ، پی پی اور ایم کیو ایم کی “عبرت ناک جیت “ہمیشہ یاد رکھی جائے گی، سلیکٹڈ، امپورٹڈ سے ڈیفیکٹڈ وزیراعظم کی تشکیل کا سفر جاری ہے، عوام انہیں بخوبی جانتے ہیں۔سراج الحق کا کہنا تھا کہ جہاں عوام کے ووٹ کی قدر نہ ہو وہ ملک دنیا میں تماشا بن جاتا ہے ، 2024ء کے انتخابات میں جیتنے والے ہارنے والوں سے زیادہ پریشان ہیں انہیں حکومت سازی میں شدید مشکلات کا سامنا  ہے۔

امیر جماعت اسلامی کا مزید کہنا تھا کہ ووٹ چوری کرکے نوجوانوں کو مزید مایوس کیا گیا، ہم 65 فیصد آبادی کو ناامیدی کے اندھیروں سے نکالیں گے، ملک میں سویلین بالادستی قائم کرنا ہو گی عوام کے فیصلوں کا احترام کیا جائے۔

مزید پڑھیے  وزیراعظم کی پیپلزپارٹی ایم کیو ایم میں اختلافات ختم کرانے کی کوششیں تاحال ناکام
Back to top button