چیئرمین نیب کا ایف آئی اے ہیڈکوارٹرز کا دورہ، مقدمات کی تفتیش پر تبادلہ خیال

چیئرمین نیب لیفٹیننٹ جنرل ریٹائرڈ نذیر احمد نے فیڈرل انویسٹی گیشن ایجنسی (ایف آئی اے) ہیڈ کوارٹرز کا دورہ کیا۔ایف آئی اے ہیڈکوارٹرز میں چیئرمین نیب کی ڈی جی ایف آئی اے سے اہم ملاقات ہوئی، چیئرمین نیب اور ڈی جی ایف آئی اے محسن حسن بٹ کی ملاقات میں احتساب اور مقدمات کی تفتیش پر تبادلہ خیال کیا گیا۔

ملاقات کے دوران چیئرمین نیب لیفٹیننٹ جنرل ریٹائرڈ نذیر احمد اور ڈی جی ایف آئی اے محسن حسن بٹ نے اہم شعبوں میں تعاون اور ہم آہنگی کو بڑھانے پر اتفاق کیا۔