خوشاب (راجہ نورالہی عاطف سے) ڈی پی آئی کالجز پنجاب پروفیسر ڈاکٹر سید انصر اظہر نے گورنمنٹ ایسوسی ایٹ کالج فار بوائز نورپورتھل کا وزٹ کیا ۔ ڈائریکٹر آئ ٹی عبدالحمید، ڈی پی کالجز پروفیسر ڈاکٹر قمر عباس اور پروفیسر فاروق گجر بھی ان کے ہمراہ تھے ۔ اس موقع پر پرنسپل ادارہ ہذا پروفیسر عبدالغفور ملک ،ٹیچنگ سٹاف، طلبا اور دیگر سٹاف نے ان کا پرتپاک استقبال کیا ۔ ڈی پی آئی کالجز نے گورنمنٹ ایسوسی ایٹ کالج فار بوائز نورپورتھل کے مختلف کلاس رومزکا معائنہ کیا ہے ۔ انہوں نے ادارے کے بہترین نظم ونسق کو سراہا ۔ پرنسپل پروفیسر عبدالغفور ملک نے انہیں کالج کی نصابی اور ہم نصابی سرگرمیوں کے بارے میں بریفنگ دی اور ادارے کو درپیش مسائل بارے بھی آگاہ کیا ۔ پروفیسر ڈاکٹر سید انصر اظہر نے ادارے کے بہترین نظم و نسق اور ٹیم ورک کو سراہا۔ انہوں نے کالج ڈگری لیول کی بلڈنگ اور کمپیوٹر لیب کی فراہمی کیلئے بھر پور سپورٹ کرنے کا وعدہ کیا ۔ پروفیسر ڈاکٹر سید انصر اظہر نے علاقہ تھل کی مہمان نوازی کی شاندار روایات کو شاندار الفاظ میں سراہا ۔ معزز مہمان کو ادارے کی طرف سے اعزازی شیلڈ بھی پیش کی گئی ۔ ڈی پی آئ کو علاقہ تھل کی شاندار روایت کی آمین عزت و احترام کی علامت علاقائی پگڑی بھی بندھوائی گئی ۔
-
-
-
-
-
-
