عمران خان نے حلف اٹھا کر بینک اکائونٹس چھپائے،بلاول بھٹو

چیئرمین پیپلز پارٹی بلاول بھٹو زرداری کا کہنا ہے کہ الیکشن کمیشن کی اسکروٹنی رپورٹ کے بعد عمران خان کا کرپشن سے آلودہ چہرہ سامنے آ گیا۔

ایک بیان میں بلاول بھٹو زرداری کا کہنا تھا کہ عمران خان نے سچ بولنے کا حلف اٹھا کر پاکستان تحریک انصاف( پی ٹی آئی) کے بینک اکاؤنٹس الیکشن کمیشن سے چھپائے۔

انہوں نے مزید کہا کہ کروڑوں روپے خوردبرد کرنے والے سلیکٹڈ وزیراعظم دوسروں کو کرپشن کے طعنے دیتے ہیں۔

ان کا یہ بھی کہنا تھا کہ عمران خان نے کرپشن کے خلاف نام نہاد مہم کی آڑ میں کرپشن کرکے ملک کو لوٹا ہے۔