دن میں تین وقت گیس فراہمی، حماد اظہر اپنے بیان سے مکر گئے

وفاقی وزیر توانائی حماد اظہر نے دن میں کھانا بنانے کے 3 اوقات میں گیس کی فراہمی یقینی بنانے کے بیان سے یوٹرن لے لیا۔

حماد اظہر کا کہنا ہے کہ صرف یہ کہا تھا کہ گھروں میں کھانا بنانے کے تین اوقات میں یعنی صبح، دوپہر اور شام میں گیس کی فراہمی کی کوشش کی جائے۔

حماد اظہر نے 12 نومبر کو سینیٹ اجلاس سے خطاب میں واضح طور پر کہا تھا کہ دن کے تین اوقات میں گیس کی فراہمی کو یقینی بنایا جائے گا۔

واضح رہے کہ پاکستان میں موسم سرما کا آغاز ہوتے ہی گیس بندش اور پریشر میں کمی کے باعث گھریلو صارفین کی مشکلات میں اضافہ ہوگیا تھا۔