خیبرپختونخوا کی نومنتخب حکومت نے صوبے بھر میں خوراک میں ملاوٹ کرنے والے مافیا کے خلاف کارروائیاں مزید تیز کر دی ہیں۔
سرکاری ذرائع کے مطابق مشیر برائے خوراک گورنر خیبرپختونخوا کفایت اللہ کی ہدایات پر کارروائی کرتے ہوئے حکام نے پشاور میں ایک مسافر بس سے 1,500 کلوگرام خراب گوشت برآمد کرکے تلف کر دیا، جبکہ اس غیر قانونی کاروبار میں ملوث افراد پر بھاری جرمانے بھی عائد کیے گئے۔
دوسری جانب ضلع بونیر میں کارروائی کے دوران 2,550 کلوگرام جعلی شہد، 1,300 کلوگرام چینی اور مضر صحت مشروبات کی 288 بوتلیں برآمد کی گئیں۔
حکام نے غیر معیاری نمکو اور اسنیکس تیار کرنے والے ایک یونٹ پر بھی جرمانہ عائد کیا، جبکہ 250 لیٹر ناقص کوکنگ آئل ضبط کرکے تلف کر دیا گیا۔
حکومتی ذرائع کے مطابق عوام کو ملاوٹ سے پاک اور معیاری خوراک کی فراہمی یقینی بنانے کے لیے ایسی کارروائیاں جاری رکھی جائیں گی۔
-
-
-
-
-
-
