ایشین گیمز: پاکستان ویمنز کرکٹ ٹیم نے کانسی کا تمغہ جیت لیا

پاکستان ویمنز کرکٹ ٹیم نے 20ویں ایشین گیمز، آئچی ناگویا 2026 کے ویمنز برونز میڈل میچ میں بنگلہ دیش کو 31 رنز سے شکست دے کر کانسی کا تمغہ جیت لیا۔

پاکستان نے پہلے بیٹنگ کرتے ہوئے 20 اوورز میں 8 وکٹوں کے نقصان پر 145 رنز بنائے۔ فاطمہ ثنا نے 30 گیندوں پر 45 رنز کی نمایاں اننگز کھیلی، جبکہ گل فیروزہ نے 23 گیندوں پر 31، عالیہ ریاض نے 22 گیندوں پر 25 اور شوال ذوالفقار نے 27 گیندوں پر 17 رنز بنائے۔

ہدف کے تعاقب میں بنگلہ دیش کی ٹیم 20 اوورز میں 7 وکٹوں پر 114 رنز بنا سکی۔ ایم ایس اے سپتا نے 45 گیندوں پر 46 رنز بنائے، جبکہ نگار سلطانہ جوتی نے 30 گیندوں پر 25 رنز اسکور کیے۔

پاکستان کی جانب سے اُمّ ہانی نے 4 اوورز میں 10 رنز دے کر 3 وکٹیں حاصل کیں۔ عائشہ ظفر نے 2 وکٹیں لیں، جبکہ نشرا سندھو نے 4 اوورز میں 19 رنز دے کر 1 وکٹ حاصل کی۔ فاطمہ ثنا نے بھی ایک وکٹ حاصل کی۔

یوں پاکستان نے 145-8 کے مقابلے میں بنگلہ دیش کو 114-7 تک محدود کرکے 31 رنز سے کامیابی حاصل کی اور ایشین گیمز میں کانسی کا تمغہ اپنے نام کر لیا۔