کروشیا کی ٹینس اسٹار ڈونا ویکچ نے شاندار کھیل کا مظاہرہ کرتے ہوئے برطانیہ کی نمبر ون کھلاڑی ایما راڈوکانو کو سیدھے سیٹس میں 0-6 اور 6-7 (6-8) سے شکست دے کر کوئنز کلب چیمپئن شپ کا ٹائٹل جیت لیا۔
فائنل کے پہلے سیٹ میں ڈونا ویکچ نے مکمل برتری قائم رکھتے ہوئے راڈوکانو کو کوئی گیم جیتنے کا موقع نہ دیا اور 0-6 سے کامیابی حاصل کی۔ تاہم دوسرے سیٹ میں ایما راڈوکانو نے زبردست واپسی کی، ڈبل بریک کی برتری بھی حاصل کی اور میچ کو فیصلہ کن مرحلے تک لے جانے کی بھرپور کوشش کی۔
کروشین کھلاڑی نے دباؤ میں بہترین کھیل پیش کرتے ہوئے مسلسل چار گیمز جیتیں اور مقابلہ ٹائی بریک تک پہنچا دیا، جہاں انہوں نے سخت مقابلے کے بعد 6-8 سے کامیابی حاصل کر کے اپنی پانچویں چیمپئن شپ پوائنٹ پر ٹائٹل اپنے نام کیا۔
یہ ڈونا ویکچ کا 2023 کے بعد پہلا ڈبلیو ٹی اے ٹائٹل ہے، جبکہ وہ کوالیفائنگ مرحلے میں شکست کے باوجود "لکی لوزر” کے طور پر مین ڈرا میں شامل ہوئی تھیں اور بالآخر چیمپئن بننے میں کامیاب رہیں۔
دوسری جانب ایما راڈوکانو نے پورے ٹورنامنٹ میں عمدہ کارکردگی دکھائی اور ہفتے کے روز مسلسل دو میچ جیت کر اپنے کیریئر کے پہلے گراس کورٹ فائنل میں جگہ بنائی۔ فائنل میں شکست کے باوجود انہوں نے شائقین کی بھرپور حمایت پر شکریہ ادا کرتے ہوئے کہا کہ اپنے آبائی شہر میں فائنل کھیلنا ان کے لیے ایک یادگار تجربہ رہا اور وہ اس ٹورنامنٹ سے کئی مثبت پہلو ساتھ لے کر جا رہی ہیں۔
-
-
-
-
-
-
