اقوام متحدہ کی سلامتی کونسل نے پاکستان کے تیار کردہ اور پیش کردہ سالانہ رپورٹ کو اتفاق رائے سے جنرل اسمبلی میں پیش کرنے کے لیے منظور کر لیا ہے۔ رپورٹ میں کونسل کے وسیع پیمانے پر عالمی بحرانوں اور موضوعاتی مسائل پر کام کی جھلک پیش کی گئی ہے۔
پاکستان کے مستقل نمائندے برائے اقوام متحدہ، عاصم افتخار احمد نے کہا کہ یہ رپورٹ 2025 کے دوران کونسل کی مصروفیات کا جامع جائزہ فراہم کرتی ہے۔ اس میں موجودہ اور ابھرتے ہوئے عالمی خطرات، جاری تنازعات، انسانی ہنگامی صورتحال اور بدلتے ہوئے خطرات کو بھی اجاگر کیا گیا ہے۔
سفیر نے مزید کہا کہ اگرچہ مسلسل تنازعات اور کشیدگیوں نے سیاسی تصفیوں اور اجتماعی اقدامات کو بعض اوقات پیچیدہ بنایا، لیکن کونسل نے استحکام کو فروغ دینے، امن کے عمل کی حمایت کرنے اور پائیدار امن و سلامتی کے لیے کثیرالجہتی تعاون کو مضبوط کرنے میں مرکزی کردار ادا کیا۔
-
-
-
-
-
-
