تجارت
وزیرِ بحری امور کا کراچی سے یو اے ای نئی فیڈر شپنگ سروس شروع کرنے کا اعلان
بحری امورکے وزیر محمد جنید انوار چوہدری نے کراچی پورٹ سے متحدہ عرب امارات کے لیے نئی فیڈر شپنگ سروس شروع کرنے کا اعلان کیا ہے جو نقل وحمل کی صلاحیتوں کی جانب ایک اہم قدم ہے۔
انہوں نے ایک بیان میں کہا کہ نئی سروس پاکستانی درآمد کنندگان اور برآمد کنندگان کو عالمی کنٹینر شپنگ نیٹ ورکس تک قابل اعتماد رسائی برقرار رکھنے کے قابل بنائے گی۔
کراچی پورٹ ٹرسٹ کے چیئرمین شاہد احمد نے کہا کہ اس فیڈر سروس کے آغاز سے کراچی پورٹ کے اہم علاقائی مراکز کے ساتھ رابطے میں مزید اضافہ ہوگا اور پاکستان کی بڑھتی ہوئی تجارتی ضروریات پوری ہوں گی۔
