پاک فوج کے زیراہتمام لاہور میں تیسری چیف آف آرمی سٹاف انٹر کلب نیشنل ہاکی چیمپئن شپ 2026 کا انعقاد کیا گیا۔تیسری نیشنل لیول ہاکی چیمپئن شپ کا فائنل باچا خان ہاکی کلب بنوں اور رانا مجاہد علی ہاکی کلب فیصل آباد کے درمیان کھیلا گیا۔
باچا خان ہاکی کلب بنوں نے تین گول کے مقابلے میں پانچ گول کرکے ٹائٹل اپنے نام کرلیا۔ہاکی چیمپئن شپ کا فائنل دیکھنے کیلئے سابق اولمپئنز اور ہاکی شائقین کی بڑی تعداد موجود تھی۔
کھیل کے اختتام پر مہمان خصوصی، جی او سی محفوظ گیریژن نے کھلاڑیوں کی حوصلہ افزائی کی اور انعامات تقسیم کئے۔اس موقع پر سابق اولمپیئنزکا کہنا تھا کہ ٹیلنٹ ہنٹ پروگرام کے تحت ملک میں ہاکی کا مستقبل پھر سے روشن ہوتا دکھائی دے رہا ہے. انہوں نے کہا کہ ایسے ایونٹس ملک میں ہاکی کا نیا ٹیلنٹ سامنے لانے میں انتہائی اہم ثابت ہوں گے۔شائقین نے ملک میں ہاکی کے فروغ کیلئے چیمپئن شپ کے انعقاد پر پاک فوج کا شکریہ ادا کیا۔
-
-
-
-
-
-
