خیبرپختونخوا، گلگت بلتستان اور کشمیر میں مطلع ابر آلود، بارش اور ہلکی برفباری کا امکان

آئندہ بارہ گھنٹوں کے دوران بالائی خیبرپختونخوا، گلگت بلتستان اور کشمیر کے چند مقامات پر مطلع ابر آلود رہنے کے ساتھ بارش اور ہلکی برفباری کا امکان ہے، جبکہ ملک کے دیگر حصوں میں موسم سرد اور خشک رہنے کی توقع ہے۔

محکمہ موسمیات کے مطابق پنجاب، بالائی سندھ اور خیبرپختونخوا کے میدانی علاقوں میں کہیں کہیں درمیانی سے شدید دھند برقرار رہنے کا امکان ہے۔

آج صبح ریکارڈ کیا گیا درجہ حرارت اسلام آباد 4، لاہور 7، کراچی 18، پشاور اور کوئٹہ 5، گلگت منفی 1، مری 0 اور مظفرآباد 6 ڈگری سینٹی گریڈ۔

دوسری جانب بھارتی غیر قانونی زیرِ قبضہ جموں و کشمیر کے لیے موسم کی پیشگوئی کے مطابق سرینگر، لیہہ، پلوامہ، اننت ناگ، شوپیاں اور بارہ مولہ میں مطلع جزوی طور پر ابر آلود رہنے کے ساتھ ہلکی بارش اور ہلکی برفباری کا امکان ہے، جبکہ جموں میں موسم جزوی طور پر ابر آلود، سرد اور خشک رہنے کی توقع ہے۔صبح ریکارڈ کیا گیا درجہ حرارت پلوامہ اور شوپیاں 0، جموں 7، لیہہ منفی 8، اننت ناگ، بارہ مولہ اور سرینگر 1 ڈگری سینٹی گریڈ۔

اشتہار