انڈیا انڈر19 ٹیم نے انڈر 19 ایشیا کپ مینز ون ڈے ٹورنامنٹ کے دوسرے میچ میں پاکستان انڈر 19 کو 90 رنز سے شکست دیدی۔گروپ اے کے اس میچ میں جو 49 اوورز کا کردیا گیا تھا ، پاکستان انڈر 19 نے ٹاس جیت کر انڈیا انڈر 19 کو بیٹنگ دی جو 46 اعشاریہ ایک اوورز میں 240 رنز بناکر آؤٹ ہوگئی۔
پاکستان انڈر 19 ٹیم 241 کے ہدف کے تعاقب میں 41 اعشاریہ 2 اوورز میں 150 رنز بناکر آؤٹ ہوگئی۔پاکستان کی اننگز میں وقفے وقفے سے وکٹیں گرتی رہیں۔ عثمان خان 16 سمیر منہاس 9 علی حسن بلوچ صفر اور احمد حسین 4 رنز بناکر آؤٹ ہوئے تو مجموعی سکور 4 وکٹوں پر صرف 30 رنز تھا۔
حذیفہ احسن کی کوشش ناکافی ثابت ہوئی وہ 9 چوکوں اور 2 چھکوں کی مدد سے70 رنز بناکر آؤٹ ہوئے۔کپتان فرحان یوسف نے 23 رنز سکور کیے۔دیپیش دیوندرن اور کانشک چوہان نے تین تین وکٹیں حاصل کیں۔
اس سے قبل انڈیا کی اننگز میں ارون جارج 12 چوکوں اور ایک چھکے کی مدد سے 85 رنز بناکر عبدالسبحان کی گیند پر آؤٹ ہوئے جنہوں نے 42 رنز دے کر 3 وکٹیں حاصل کیں۔
محمد صیام نے بھی 3 کھلاڑیوں کو 67 رنز کے عوض آؤٹ کیا جن میں ویبھاؤ سوریا ونشی ( 5 ) کپتان آیوش مہاترے ( 38 ) کی اہم وکٹیں بھی شامل تھیں۔نقاب شفیق نے دو کھلاڑیوں کو آؤٹ کیا۔ احمد حسین اور علی رضا کے حصے میں ایک ایک وکٹ آئی۔
پاکستان انڈر 19 ٹیم 16 دسمبر کو آخری گروپ میچ میں متحدہ عرب امارات انڈر 19 کے خلاف مدمقابل ہوگی۔ٹورنامنٹ کے سیمی فائنلز 19 دسمبر کو کھیلے جائیں گے جبکہ فائنل 21 دسمبر کو ہوگا۔
-
-
-
-
-
-
