پاک فوج کا کوئٹہ میں خواتین سائیکل ریس کا انعقاد

پاک فوج اور کوئٹہ ڈسٹرکٹ سائیکلنگ ایسوسی ایشن کے تعاون سے شولا اسپورٹس کمپلیکس کوئٹہ میں خواتین کی سائیکل ریس منعقد ہوئی جس میں بڑی تعداد میں خواتین نے حصہ لیا۔ یہ ریس 5.9 کلومیٹر کے ٹریک پر مکمل کی گئی۔

تقریب کے اختتام پر نمایاں کارکردگی دکھانے والی کھلاڑیوں میں نقد انعامات، میڈلز اور اسناد تقسیم کی گئیں۔ سب سے کم عمر اور سب سے زیادہ عمر کی شریک کھلاڑیوں کو بھی حوصلہ افزائی کے لیے انعامات دیے گئے۔

شرکاء نے بلوچستان میں صحت مند اور مثبت سرگرمیوں کے انعقاد پر پاک فوج کو خراجِ تحسین پیش کیا۔ ان کا کہنا تھا کہ اس نوعیت کے مقابلے خواتین کے لیے نہایت اہم ہیں اور انہیں بلوچستان بھر میں باقاعدگی سے منعقد کیا جانا چاہیے۔