وزیراعظم کی بیرون ملک پاکستانیوں کے مسائل حل کرنے میں وزارت کی کوششوں کی تعریف

اسلام آباد: منگل کے روز وفاقی وزیر برائے سمندر پار پاکستانی و انسانی وسائل کی ترقی چوہدری سالک حسین نے وزیراعظم محمد شہباز شریف سے ملاقات کی۔ ملاقات میں وزیر نے اپنی وزارت سے متعلق امور پر وزیراعظم کو تفصیل سے آگاہ کیا۔وزیراعظم نے بیرون ملک پاکستانیوں کو درپیش مسائل کے حل کے لیے وزارت کی جانب سے اٹھائے گئے اقدامات پر اطمینان کا اظہار کیا اور ان کی کارکردگی کو سراہا۔