سات ہزار میگا واٹ اضافی بجلی صنعت اور زراعت کو دی جائے گی، اویس لغاری

وفاقی وزیر توانائی سردار اویس احمد خان لغاری نے کہا ہے کہ سات ہزار میگا واٹ اضافی بجلی صنعت اور زراعت کو دی جائے گی، زراعت کیلئے اضافی یونٹس کی قیمت 38 سے کم کر کے 22 روپے اور 98 پیسے کر دی گئی، صنعتی شعبے کیلئے اضافی یونٹس کی قیمت 34 سے کم کر کے 22 روپے اور 98 پیسے کر دی گئی ۔جمعرات کو وفاقی وزیر توانائی سردار اویس احمد خان لغاری کا ویڈیو پیغام جاری کیا۔

وفاقی وزیر توانائی سردار اویس احمد خان لغاری نے کہاکہ سات ہزار میگا واٹ اضافی بجلی موجود تھی، ہم نے فیصلہ کیا کہ یہ بجلی صنعت اور زراعت کو دی جائے گی، صنعت اور زراعت معیشت میں  ریڑھ کی ہڈی کی حیثیت رکھتے ہیں، صنعتی شعبے کو 34 روپے اور زراعت شعبے کو 38 روپے یونٹ ملنے والی بجلی کے اضافی یونٹس کی قیمت کم کی، زراعت کیلئے اضافی یونٹس کی قیمت 38 سے کم کر کے 22 روپے اور 98 پیسے کر دی گئی،  صنعتی شعبے کیلئے اضافی یونٹس کی قیمت 34 سے کم کر کے 22 روپے اور 98 پیسے کر دی گئی اس سے صارفین کی بجلی کی اوسط قیمت خرید میں کمی آئے گی، صنعت اور ذراعت کے شعبوں کو اضافی بجلی کے استعمال پر کم نرخوں پر بجلی مہیا کی جائے گی۔

انہوں نے کہاکہ اگر آپ نے زراعت میں پہلے 100 یونٹ استعمال کیے اور اب اضافی سو یونٹ کے استعمال پر اوسط بجلی کی قیمت میں 7روپے فی یونٹ کمی ہو گی، صنعت میں اگر آپ ہزار یونٹ استعمال کر رہے تھے تو اب اضافی ہزار یونٹ کے استعمال پر اوسط بجلی کی قیمت میں تقریبا 5 روپے فی یونٹ کمی ہو گی،صنعت کے شعبے میں پہلے ہی قیمت کر چکے ہیں، اب مزید کمی سے صنعت کو فروغ ملے گا، عوام کے ساتھ کیے گئے وعدے پورے کر رہے ہیں، امید ہے اس اقدام سے معیشت میں بہتری آئے گی۔

اشتہار