پاکستان کرکٹ بورڈ نے وائٹ بال سیریز کیلئے سکواڈز کا اعلان کردیا

نیشنل سلیکشن کمیٹی نے جنوبی افریقہ کے خلاف ٹی ٹوئنٹی سیریز اور سری لنکا و زمبابوے پر مشتمل ٹی ٹوئنٹی ٹرائی سیریز کے لیے 15 رکنی اسکواڈ، جبکہ جنوبی افریقہ اور سری لنکا کے خلاف ون ڈے سیریز کے لیے 16 رکنی اسکواڈ کا اعلان کر دیا ہے۔

پاکستان اور جنوبی افریقہ کے درمیان ٹی ٹوئنٹی سیریز 28 اکتوبر سے یکم نومبر تک راولپنڈی اور لاہور میں کھیلی جائے گی۔ اسی مقام پر 17 سے 29 نومبر تک سری لنکا اور زمبابوے کے ساتھ ٹی ٹوئنٹی ٹرائی سیریز بھی منعقد ہوگی۔

ٹی ٹوئنٹی اسکواڈ میں عبدالصمد، بابراعظم اور نسیم شاہ کی ٹیم میں واپسی ہوئی ہے، جو گزشتہ ایونٹس میں شامل نہیں تھے۔ عثمان طارق واحد  نئے کھلاڑی ہیں جنہیں اسکواڈ میں جگہ ملی ہے۔

دوسری جانب پاکستان اور جنوبی افریقہ کے درمیان  تین ون ڈے میچوں کی سیریز کیلئے بھی سکواڈ کا اعلان کردیا گیا ،  یہ سیریز 4 سے 8 نومبر تک فیصل آباد کے اقبال اسٹیڈیم میں کھیلی جائے گی۔ اس کے بعد 11 سے 15 نومبر تک راولپنڈی میں سری لنکا کے خلاف تین میچوں کی ون ڈے سیریز ہوگی۔

ون ڈے اسکواڈ میں فیصل اکرم، حارث رؤف اور حسیب اللہ کی ٹیم میں واپسی ہوئی ہے۔

ٹی ٹوئنٹی اسکواڈ (15 رکنی):

سلمان علی آغا (کپتان)، عبدالصمد، ابرار احمد، بابراعظم، فہیم اشرف، حسن نواز، محمد نواز، محمد وسیم جونیئر، محمد سلمان مرزا، نسیم شاہ، صاحبزادہ فرحان، صائم ایوب، شاہین شاہ آفریدی، عثمان خان (وکٹ کیپر)، عثمان طارق

ریزرو کھلاڑی: فخر زمان، حارث رؤف، صوفیان مقیم

ون ڈے اسکواڈ (16 رکنی):

شاہین شاہ آفریدی (کپتان)، ابرار احمد، بابراعظم، فہیم اشرف، فیصل اکرم، فخر زمان، حارث رؤف، حسیب اللہ، حسن نواز، حسین طلعت، محمد نواز، محمد رضوان (وکٹ کیپر)، محمد وسیم جونیئر، نسیم شاہ، صائم ایوب، سلمان علی آغا

اشتہار