ایشیا کپ فائنل۔ پاکستان وویمنز کرکٹ ٹیم کے ہیڈ کوچ اور پلیئرز کی طرف سے گرین شرٹس کے لئے نیک خواہشات
پاکستان اور بھارت کے درمیان ایشیا کپ 2025 کا بڑا فائنل ہونے جا رہا ہے۔ اس اہم موقع پر پاکستان کی مینز کرکٹ ٹیم کے لیے نیک تمناؤں اور دعاؤں کا سلسلہ جاری ہے۔ قومی کھلاڑی محمد وسیم نے کہا کہ انشاءاللہ پاکستان میچ جیتے گا اور ملک کا نام روشن کرے گا۔ ان کا کہنا تھا کہ ٹیم کے لیے نیک تمنائیں ہیں۔
قومی خواتین کرکٹرز نے بھی اپنی ٹیم کے ساتھ یکجہتی کا اظہار کیا ہے۔ سدرہ نے کہا کہ یہ پاکستان ٹیم کے لیے بہت بڑا دن ہے، ہم ان کے ساتھ مکمل سپورٹ میں ہیں۔ انہوں نے مزید کہا کہ اللہ تعالیٰ بھی ان کا ساتھ دیتا ہے جو بہادری سے کھیلتے ہیں۔ ان کی خواہش ہے کہ ٹیم ایشیا کپ جیت کر واپس آئے۔ عالیہ ریاض نے کہا کہ سب کی دعائیں پاکستان مینز ٹیم کے ساتھ ہیں، جم کر کھیلیں اور ملک کا نام روشن کریں۔
اومیمہ سہیل نے کہا کہ انشاءاللہ پاکستان میچ جیتے گا اور ہم سب ان کے لیے دعاگو ہیں۔ نتالیہ پرویز نے کہا کہ امید ہے پاکستان ٹیم اچھا کھیلے گی اور ایشیا کپ جیتے گی۔ شوال ذوالفقار نے بھی ٹیم کے لیے نیک خواہشات کا اظہار کرتے ہوئے کہا کہ گڈ لک پاکستان، امید ہے کہ ٹیم ایشیا کپ جیت کر وطن واپس آئے گی۔ سیدہ عروب شاہ نے کہا کہ پوری قوم کی دعائیں ٹیم کے ساتھ ہیں، انشاءاللہ فائنل جیت کر آئیں گے۔
تمام کھلاڑیوں اور عوام کی دعاؤں کے ساتھ، قومی ٹیم آج کے فائنل میں میدان میں اترنے جا رہی ہے۔ سب کو امید ہے کہ پاکستان بہترین کارکردگی دکھائے گا اور ایشیا کپ جیت کر قوم کو خوشی دے گا۔
