حکومت پاکستانی زائرین کو ریگولرائز کرنے کے لیے اقدامات کر رہی ہے: سر محمد یوسف
مذہبی امور اور بین المذاہب ہم آہنگی کے وزیر سردار محمد یوسف کا کہنا ہے کہ حکومت ایران اور عراق جانے والے پاکستانی زائرین کو ریگولرائز کرنے کے لیے اقدامات کر رہی ہے۔آج اسلام آباد میں ایرانی سفیر رضا امیری موغادم سے گفتگو کرتے ہوئے وزیر نے کہا کہ حکومت جلد ہی پاکستانی زائرین اور روزگار کے متلاشیوں کے لیے ایران کے ساتھ مفاہمت کی یادداشت پر دستخط کرے گی۔
سردار محمد یوسف نے کہا کہ پاکستان اس سال نومبر میں بین الاقوامی قرآن خوانی کے مقابلوں کا انعقاد کرے گا۔اس موقع پر ایرانی سفیر نے پاکستان میں حالیہ بارشوں اور سیلاب سے ہونے والے جانی و مالی نقصان پر گہرے دکھ کا اظہار کیا۔ انہوں نے کہا کہ پاکستان ایک برادر ہمسایہ ملک ہے اور ایران آزمائش کی اس گھڑی میں پاکستانی عوام کے ساتھ کندھے سے کندھا ملا کر کھڑا ہے۔
رضا امیری مغدام نے دہشت گردی اور اسلامو فوبیا کے خلاف جنگ میں پاکستان کے انتہائی اہم کردار کو سراہا۔ملاقات کے دوران دنیا میں مذہبی عدم برداشت، دہشت گردی، فرقہ واریت کے خاتمے اور بین المذاہب ہم آہنگی کے فروغ کے لیے مختلف تجاویز پر تبادلہ خیال کیا گیا۔دونوں فریقین نے جدید اور عصری تعلیم کے فروغ کے لیے دینی مدارس کے علماء اور طلبہ کے تبادلوں میں اضافے پر اتفاق کیا۔
