چین کے وزیر صنعت و انفارمیشن ٹیکنالوجی کی وزیراعظم شہباز شریف سے ملاقات

چین کے وزیر صنعت و انفارمیشن ٹیکنالوجی مسٹر لی لیچینگ نے جمعرات کو بیجنگ میں وزیراعظم شہباز شریف سے ملاقات کی۔وزیراعظم نے چین کے ساتھ صنعتوں، زراعت، تجارت، آئی سی ٹی، کان کنی اور معدنیات میں دوطرفہ تعاون کو مزید گہرا کرنے کے پاکستان کے وژن کا اعادہ کیا۔انہوں نے CPEC کو پاکستان کی سماجی و اقتصادی ترقی کا مرکزی ستون قرار دیا اور فیز II میں اس کی مسلسل پیش رفت پر اطمینان کا اظہار کیا۔وزیر اعظم کے اقتصادی اصلاحات کے ایجنڈے کو سراہتے ہوئے وزیر لی لیچینگ نے اس بات پر زور دیا کہ چین پاکستان کو ایک فولادی بھائی اور ہمہ موسمی اسٹریٹجک کوآپریٹو پارٹنر سمجھتا ہے۔انہوں نے پاکستان کے ساتھ دوطرفہ تعلقات کو تعاون اور اشتراک کی نئی بلندیوں تک پہنچانے کے لیے چین کے پختہ عزم کا اظہار کیا۔

اشتہار