پی ٹی آئی کے سیکرٹری جنرل سلمان اکرم راجا نے مستعفی ہونے کا اعلان کردیا

تحریک انصاف کے مرکزی جنرل سیکریٹری سلمان اکرم راجا کا عہدے استعفیٰ کا اعلان کر دیا۔ سلمان اکرم راجا کا کہنا تھا کہ پچھلے منگل میں نے علی بخاری ایڈووکیٹ کے ذریعے عمران خان صاحب کو درخواست بھیجی تھی کہ پارٹی ممبران کو بے تحاشہ ناحق سزاؤں کے پیش نظر مجھے سیکریٹری جنرل کے عہدے سے ہٹ کر قانونی معاملات پر توجہ مرکوز کرنے دی جائے۔

انہوں نے کہا کہ بانی پی ٹی آئی عمران خان نے میری درخواست منظور نہیں کی۔سلمان اکرم راجا کا کہنا تھا کہ کل میں عمران خان سے گزارش کر کے عہدے سے علیحدہ ہو جاؤں گا، میری وکالتی خدمات بلامعاوضہ حاضر رہیں گی۔ان کا مزید کہنا تھا کہ میں کوئی روایتی سیاست دان نہیں، نہ جاگیردار نہ مل اونر، تاہم میرا مختصر خاندان میرے ساتھ کھڑا ہے۔ہم نے پارٹی کے اندر اور باہر سے ہر قسم کے رکیک حملوں کو سہا ہے، کوئی ملال نہیں، اپنی بھرپور وکالت کو پس پشت ڈال کر معاشی بے یقینی کو بخوشی قبول کیا۔

اشتہار