پاکستان اور ایران دو طرفہ تعلقات کو مضبوط بنانے کیلئے پرعزم

نائب وزیراعظم اسحاق ڈاراور  ایرانی وزیر خارجہ نے دوطرفہ تعلقات کو بڑھانے کے طریقوں پر تبادلہ خیال کیا ہے ۔اسحاق ڈار اور ایرانی وزیر خارجہ سید عباس عراقچی کے درمیان ملاقات میں پاکستان اور ایران نے علاقائی استحکام، تجارت اور اقتصادی تعاون میں تعاون کو وسعت دینے پر توجہ مرکوز کرتے ہوئے دوطرفہ تعلقات کو مضبوط بنانے کے اپنے عزم کا اعادہ کیا ہے۔

اس عزم کا اظہار نائب وزیراعظم اسحاق ڈار اور ایرانی وزیر خارجہ سید عباس عراقچی کے درمیان  اسلام آباد میں ملاقات کے دوران کیا گیا۔دونوں رہنماؤں نے باہمی دلچسپی کے اہم شعبوں میں دوطرفہ روابط کو بڑھانے کے طریقوں پر بھی تبادلہ خیال کیا۔وزیر خارجہ عباس عراقچی ایرانی صدر ڈاکٹر مسعود پیزشکیان کے پاکستان کے سرکاری دورے پر آنے والے وفد کا حصہ ہیں۔

اشتہار