نائب وزیراعظم اسحاق ڈار کی کویتی وزیر خارجہ سے ملاقات، تعلقات مزید مضبوط بنانے پر تبادلہ خیال

نائب وزیراعظم محمد اسحاق ڈار نے نیویارک میں کویت کے وزیر خارجہ عبداللہ ال یحییٰ سے ملاقات کی۔دونوں رہنماؤں نے تجارت، سرمایہ کاری، توانائی، فوڈ سیکیورٹی اور دفاع میں تعاون بڑھانے پر توجہ مرکوز کرتے ہوئے پاکستان اور کویت تعلقات کو مزید مضبوط بنانے کے طریقوں پر تبادلہ خیال کیا۔انہوں نے اقوام متحدہ اور او آئی سی سمیت کثیرالجہتی فورمز پر قریبی تعاون پر بھی تبادلہ خیال کیا۔

دونوں فریقین نے مستقبل قریب میں دوطرفہ تعلقات کو مزید گہرا کرنے کے لیے اعلیٰ سطح کے تبادلے کرنے پر اتفاق کیا۔فلسطینیوں کے خلاف اسرائیلی جارحیت کی جاری کارروائیوں اور غزہ میں بگڑتی ہوئی انسانی صورتحال پر گہری تشویش کا اظہار کرتے ہوئے دونوں وزراء نے ایک منصفانہ اور دیرپا حل کی فوری ضرورت پر زور دیا۔

اشتہار