پاکستان اور ترکیہ کا غزہ میں فوری جنگ بندی کا مطالبہ

نائب وزیراعظم اسحاق ڈار نے ترکیہ کے وزیر خارجہ حکان فدان سے ٹیلیفونک گفتگو کی۔دونوں رہنماؤں نے غزہ میں اسرائیل کے مظالم کی شدید مذمت کی اور انسانی بحران، قحط، جبری نقل مکانی اور بے گناہ جانوں کے ضیاع پر گہری تشویش کا اظہار کیا۔انہوں نے انسانی امداد کی بلا رکاوٹ فراہمی، فوری جنگ بندی اور پائیدار امن کے لیے عالمی برادری کے متحدہ اقدامات کی ضرورت پر زور دیا۔ دونوں رہنماؤں نے فلسطینی عوام کے ساتھ غیر متزلزل حمایت کا اعادہ کیا اور اقوام متحدہ میں دو ریاستی حل پر بین الاقوامی کانفرنس کے مثبت نتائج کی امید ظاہر کی۔

اشتہار