امریکی صدر ڈونلڈ ٹرمپ کے دورہ پاکستان کے بارے میں دفتر خارجہ کا اہم بیان

دفترخارجہ پاکستان کے ترجمان کا کہنا ہے کہ امریکی صدر کے دورہ پاکستان سے متعلق علم نہیں ہے۔دفترخارجہ پاکستان کے ترجمان شفقت علی نے غیر ملکی خبر ایجنسی سے گفتگو کرتے ہوئے امریکی صدر ڈونلڈ ٹرمپ کے دورہ پاکستان کی خبروں پر لاعلمی کا اظہار کیا ہے۔

اس سے قبل یہ خبریں سامنے آئی تھیں کہ امریکی صدر ٹرمپ 18 ستمبر کو پاکستان کے دورے پر اسلام آباد پہنچیں گے جس دوران وہ پاکستان کی سیاسی و عسکری قیادت سے ملاقاتیں کریں گے۔خبر ایجنسی کا کہنا ہےکہ امریکی صدر ٹرمپ 17 سے 19 ستمبر کر برطانیہ کا دورہ کریں گے۔اس حوالے سے برطانوی رائل پیلس نے بھی تصدیق کی ہےکہ امریکی صدر کنگ چارلس کی دعوت پر برطانیہ پہنچیں گے۔