راولپنڈی میں سیلابی صورتحال پر وزیراعظم نے ہنگامی اجلاس طلب کرلیا

راولپنڈی میں سیلابی صورتحال پر وزیر اعظم شہباز شریف نے ہنگامی اجلاس طلب کر لیا۔ذرائع کے مطابق وزیر اعظم نے ایم ڈی واسا، کمشنر، ڈپٹی کمشنر اور چیف سیکریٹری پنجاب سے رپورٹ طلب کر لی۔واضح رہے کہ راولپنڈی اور اسلام آباد میں کل رات سے ہونے والی موسلادھار بارش نے جل تھل کر دیا۔ 230 ملی میٹر سے زائد بارش کے بعد نالہ لئی میں پانی کی سطح بلند ہو کر گوالمنڈی پل پر پانی کی سطح 23 فٹ جبکہ کٹاریاں میں 22 فٹ بلند ہے۔ نشیبی علاقوں میں گلیوں اور سڑکوں پر پانی جمع ہوگیا۔

اشتہار