آواران میں انٹیلی جنس آپریشن: 3 بھارتی سپانسر دہشتگرد ہلاک، میجر سید رب نواز شہید

بلوچستان کے ضلع آواران میں سیکیورٹی فورسز نے آج تین بھارتی سپانسر دہشت گردوں کو ہلاک کردیا۔آئی ایس پی آر کے مطابق سیکیورٹی فورسز نے انڈین پراکسی، فتنہ ال ہندوستان سے تعلق رکھنے والے دہشت گردوں کی موجودگی کی اطلاع پر ضلع آواران میں انٹیلی جنس کی بنیاد پر آپریشن کیا۔

آپریشن کے دوران، اپنے فوجیوں نے مؤثر طریقے سے دہشت گردی کے مقام کو نشانہ بنایا اور اس کے نتیجے میں، تین بھارتی سپانسر دہشت گردوں کو جہنم واصل کر دیا گیا۔

تاہم شدید فائرنگ کے تبادلے کے دوران میجر سید ربنواز طارق ساکن ڈسٹرکٹ مظفرآباد، جو ایک بہادر افسر تھے جو اپنے دستوں کی آگے سے قیادت کر رہے تھے، نے بہادری سے مقابلہ کیا اور آخری قربانی پیش کی۔

علاقے میں پائے جانے والے کسی دوسرے دہشت گرد کو ختم کرنے کے لیے سینی ٹائزیشن آپریشن کیا جا رہا ہے۔پاکستان کی سیکیورٹی فورسز ملک سے بھارتی اسپانسرڈ دہشت گردی کی لعنت کو ختم کرنے کے لیے پرعزم ہیں اور ہمارے بہادر جوانوں کی ایسی قربانیاں ہمارے عزم کو مزید مضبوط کرتی ہیں۔

اشتہار