اسحاق ڈار کا  ایران کے ساتھ پاکستان کی غیر متزلزل یکجہتی کا اعادہ 

نائب وزیر اعظم اسحاق ڈار نے علاقائی امن و استحکام کے لیے پاکستان کے عزم کا اعادہ کرتے ہوئے اس بات پر زور دیا ہے کہ کشیدگی میں کمی اور دیرپا امن کے لیے مذاکرات اور سفارت کاری ہی واحد قابل عمل راستہ ہے۔

وہ آج چین کے شہر تیانجن میں شنگھائی تعاون تنظیم کی وزرائے خارجہ کونسل کے اجلاس کے موقع پر ایرانی وزیر خارجہ سید عباس عراقچی سے گفتگو کر رہے تھے۔

اسحاق ڈار نے ایران کے عوام اور حکومت کے ساتھ پاکستان کی غیر متزلزل یکجہتی کا بھی اعادہ کیا۔دونوں رہنماؤں نے مختلف شعبوں میں دوطرفہ تعاون کا جائزہ لیا اور ایران کے خلاف حالیہ اسرائیلی جارحیت کے بعد ابھرتی ہوئی علاقائی صورتحال پر تبادلہ خیال کیا۔

اشتہار