وزیرخزانہ کا آبادی میں اضافے کو کنرول کیلئے جامع طریقہ کارپر زور
وزیر خزانہ محمد اورنگزیب نے پائیدار اقتصادی ترقی کو یقینی بنانے کے لیے آبادی اور موسمیاتی تبدیلی کے دو وجودی مسائل کو حل کرنے کی ضرورت پر زور دیا ہے۔جمعرات کو اسلام آباد میں آبادی کے عالمی دن کے سلسلے میں وزارت قومی صحت کی خدمات کے زیر اہتمام ایک تقریب سے خطاب کرتے ہوئے، انہوں نے آبادی میں اضافے کو کنٹرول کرنے کے لیے ایک جامع طریقہ کار پر زور دیا۔وزیر خزانہ نے کہا کہ عالمی بینک کے ساتھ دستخط شدہ دس سالہ کنٹری پارٹنرشپ فریم ورک کی فنڈنگ کا ایک تہائی حصہ آبادی سے متعلق اقدامات کے لیے مختص کیا جائے گا۔اس موقع پر اپنے ریمارکس میں منصوبہ بندی و ترقی کے وزیر احسن اقبال نے کہا کہ آبادی ہمارے پانچ ای ایس فریم ورک کا حصہ ہے اور وفاقی حکومت اس مسئلے سے نمٹنے کے لیے صوبائی حکومتوں کے ساتھ مل کر کام کرے گی۔نیشنل ہیلتھ سروسز کے وزیر مصطفیٰ کمال نے اس بوجھ کا حوالہ دیا کہ موجودہ وسائل پر بڑھتی ہوئی آبادی نے اس سے نمٹنے کے لیے اجتماعی کوششوں پر زور دیا۔
