پاکستان، افغانستان کا ریلوے منصوبے کے معاہدے کوجلد حتمی شکل دینے پر اتفاق
پاکستان اورافغانستان نے علاقائی رابطے بڑھانے کے لئے ازبکستان، افغانستان پاکستان ریلوے منصوبے کے معاہدے کو جلد حتمی شکل دینے کے بارے میں مشترکہ کوششوں پر اتفاق کیا ہے۔
یہ اتفاق رائے اسلام آباد میں افغانستان اور پاکستان کی خارجہ امور کی وزارتوں کے ایڈیشنل سیکرٹریز کی سطح پر مذاکرات کے پہلے دورمیں ہوا۔
مذاکرات میں تجارت، ٹرانزٹ تعاون، سکیورٹی اورزمینی رابطوں سمیت دوطرفہ دلچسپی کے اہم امورپرتبادلہ خیال کیا گیا۔
ریقین نے اس بات پراتفاق کیا کہ دہشتگردی علاقائی امن وسلامتی کے لئے سنگین خطرہ ہے ۔ پاکستان نے افغانستان کی سرزمین سے پاکستان کے خلاف دہشتگردی کی کارروائیوں میں ملوث گروپوں کیخلاف بھرپوراقدامات پرزوردیا اورکہا کہ یہ گروہ پاکستان کی سلامتی کو متاثر کررہے ہیں اور علاقائی ترقی کی راہ میں رکاوٹ ہیں۔
انہوں نے علاقائی رابطے کی اہمیت کواجاگر کیا جوپائیدارترقی اور مشترکہ خوشحالی کے لئے بہت اہم ہے۔
مذاکرات میں افغان باشندوں کی وطن واپسی سے متعلق اموربھی زیربحث آئے۔ پاکستان نے افغان باشندوں کوسفری دستاویزات کی فراہمی کی کوششوں سے آگاہ کیاجن میں جنوری سے اب تک علاج
معالجے، سیاحت ،تجارت اورتعلیم سمیت دیگرکیٹگریزمیں پانچ لاکھ سے زائدافغان باشندوں کوویزے فراہم کئے گئے ہیں۔
فریقین نے سرحد کے آرپارقانونی آمدورفت کومزید فرو غ دینے پربھی اتفاق کیا۔
