وزیراعظم شہباز شریف نے چوہدری نثار کو ن لیگ میں واپسی کی دعوت دیدی

وزیراعظم شہباز شریف مسلم لیگ ن کے سابق رہنما  اور  وفاقی وزیر  چوہدری نثار سے ملاقات کے لیے  ان کی رہائش گاہ پہنچ گئے۔وزیراعظم شہباز شریف چوہدری نثارکی رہائش گاہ پر  پہنچے اور  ان کی عیادت کی۔وزیراعظم شہباز شریف اور  چوہدری نثار کے درمیان سیاسی امور  پر بھی تبادلہ خیال ہوا۔

وزیر اعظم شہبازشریف کا کہنا تھا کہ  چوہدری  صاحب  آپ تو ہمیں بھول ہی گئے۔ اس پر چوہدری نثار نے جواب دیا  نہیں نہیں میاں صاحب، بس طبیعت ٹھیک نہیں رہتی۔ ذرائع کا کہنا ہےکہ  وزیراعظم  نے چوہدری نثار کو  مسلم لیگ ن میں دوبارہ شمولیت کی دعوت دیتے ہوئے کہا کہ اب آپ اپنے گھر  واپس آجائیں۔

ذرائع نے بتایا ہےکہ چوہدری  نثار  نے  وزیراعظم کو  جواب  دینےکے لیے کچھ وقت مانگا ہے۔ذرائع کے مطابق  وزیراعظم اور سابق وزیر داخلہ کے درمیان ٹیلی فونک رابطے موجود ہیں۔