ایشین 6 ریڈ اینڈ ٹیم اسنوکر چیمپئن شپ 2025، پاکستان کو سیمی فائنل میں شکست

سری لنکا کے دارالحکومت کولمبو میں 22 سے 28 جون تک منعقدہ ایشین 6 ریڈ اینڈ ٹیم اسنوکر چیمپئن شپ 2025 میں پاکستان نے شاندار کارکردگی کا مظاہرہ کرتے ہوئے ٹیم ایونٹ میں کانسی کا تمغہ حاصل کر لیا۔پاکستان کی نمائندگی پاکستان 1 ٹیم نے کی، جس میں اویس منیر اور محمد آصف شامل تھے۔ اس جوڑی نے پورے ٹورنامنٹ میں قابلِ تعریف کھیل پیش کیا، تاہم سیمی فائنل میں ان کا سفر اختتام پذیر ہوا جہاں انہیں ملائیشیا کے ہاتھوں 1-3 سے شکست کا سامنا کرنا پڑا۔سیمی فائنل کا نتیجہ:
ملائیشیا نے پاکستان 1 کو 1-3 سے شکست دی
فریم اسکورز: 79(55)-24، 42-75، 65-25، 84(65)-47

اگرچہ پاکستان 1 فائنل تک نہ پہنچ سکی، لیکن ٹیم نے کانسی کا تمغہ اپنے نام کر کے قومی اسنوکر حلقے کے لیے ایک اور فخر کا لمحہ فراہم کیا، اور ایشیائی کیو اسپورٹس میں پاکستان کی مضبوط موجودگی کا تسلسل برقرار رکھا۔

اشتہار